പുതിയൊരു പുസ്തകം കൈയ്യില്‍ കിട്ടിയാല്‍ അന്ന് തന്നെ അത് വായിച്ചു തീര്‍ത്തിരുന്ന നാളുകള്‍ ..
സ്കൂള്‍ ലൈബ്രറിയില്‍ നിന്നും രണ്ടാഴ്ചയിലൊരിക്കല്‍ കിട്ടിയിരുന്ന പുസ്തകം ഒറ്റയടിക്ക് വായിച്ചു തീര്‍ത്തു , കൂട്ടുകാര്‍ക്ക് കിട്ടിയത് കൂടി ആര്‍ത്തിയോടെ വാങ്ങി വായിച്ചിരുന്ന ദിവസങ്ങള്‍ ..
കോളേജില്‍ ചേര്‍ന്നപ്പോള്‍ , ആവശ്യത്തിനു പഠിക്കേണ്ട പുസ്തകങ്ങള്‍ പോലും തികച്ചില്ലാത്ത കോളേജ് ലൈബ്രറിയില്‍ സാഹിത്യ പുസ്തകങ്ങള്‍ പ്രതീഷിക്കുന്നത് പരിഹാരമില്ലാത്ത അപരാധം പോലെയായി ..വല്ലപ്പോഴും സുഹൃത്തുക്കളുടെ കൈയ്യില്‍ നിന്നും കിട്ടുന്ന പുസ്തകങ്ങള്‍ ..കൂട്ടി വെക്കുന്ന പോക്കറ്റ്‌ മണി കൊണ്ട് നാട്ടിലെ ബുക്ക്‌ സ്റ്റാളില്‍ കേറുമ്പോള്‍ വാങ്ങിച്ചിരുന്ന പുസ്തകങ്ങള്‍ ..ഒരിക്കല്‍ ബുക്ക്‌ സ്റ്റാളില്‍ നിന്നും ഇറങ്ങിയപ്പോള്‍ തിരിച്ചു വീട്ടിലെത്താനുള്ള പത്തു രൂപ മാത്രം കൈയ്യില്‍ ബാക്കി ..
ഒരു ജോലി കിട്ടുമ്പോള്‍ ഒരുപാട് പുസ്തകങ്ങള്‍ വാങ്ങണം എന്ന് ആഗ്രഹം ഉണ്ടായിരുന്നു ..പക്ഷെ ജോലി കിട്ടിയത് ' കല്‍ക്കട്ട ' യില്‍ ... അവിടെ മലയാള പുസ്തകങ്ങള്‍ കിട്ടാന്‍ ഒരു വഴിയും ഉണ്ടായിരുന്നില്ല .. ഒരു മണിക്കൂര്‍ യാത്ര ചെയ്‌താല്‍ ഒരു മലയാളി കടയില്‍ നിന്നും ' വനിത', ' ഗൃഹലക്ഷ്മി ' തുടങ്ങിയ മാസികകള്‍ കിട്ടുമായിരുന്നു .. വേറെ ഒന്നും ഇല്ല .. അങ്ങനെ ഇരിക്കുമ്പോള്‍ ഒരു ദിവസം - വിരസമായ ഒരു ജോലി ദിവസം - ഇന്റെര്‍നെറ്റിലെ വിശാല സാധ്യതകളില്‍ പരതവേയാണ് ഒരു ഓണ്‍ലൈന്‍ ബുക്ക്‌ ഷോപ്പ് കണ്ടത് .. പരീക്ഷണാര്‍ത്ഥം ഓര്‍ഡര്‍ ചെയ്ത എന്നെത്തേടി പുസ്തകങ്ങളുടെ ഒരു കെട്ടു വന്നു .. മനോഹരമായി പായ്ക്ക് ചെയ്ത ഒരു പുസ്തക കെട്ട് ..
ഹോ !!! .. എന്തൊരു സന്തോഷമായിരുന്നു അന്ന് .. പന്നെ അത് സ്ഥിരമായി .. കുറേ പുസ്തകങ്ങള്‍ വാങ്ങി .. വായിച്ചു ..
നാളുകള്‍ പിന്നെയും കഴിഞ്ഞപ്പോള്‍ എന്റെ പ്രണയം ഒരു താലിയോടൊപ്പം ജീവിതത്തിലേക്ക് വന്നു .. അങ്ങനെ ഒരു ഭാര്യയായി .. ജോലി .. വീട്ടിലെ തിരക്കുകള്‍ .. അങ്ങനെ ഒരു ഫുള്‍ ടൈം കുടുംബിനി + ജോലിക്കാരി ആയി ഞാന്‍ എന്റെ തിരക്കുകളില്‍ മുങ്ങിയപ്പോള്‍ , ഒരിക്കല്‍ പോലും താളുകള്‍ മറിച്ചു നോക്കാത്ത പുസ്തകങ്ങള്‍ , പതുങ്ങിയ നെടുവീര്‍പ്പുകളോടെ , പഴയ കവറുകളോടും ഇസ്തിരി പെട്ടിയോടും പരാതി പറഞ്ഞു , ആരെയോ കാത്തിരിപ്പായി ..
Malayalam Blog Directory
1 comments:
:-)
Post a Comment